அதற்கு பதிலளித்து பேசிய வருவாய்த்துறை அமைச்சர் கே.கே.எஸ்.எஸ்.ஆர். ராமச்சந்திரன், சட்டப்பேரவைக் கூட்டத் தொடர் முடிந்த பின்னர் முத்துப்பேட்டை தாலுக்காவாக செயல்படும் என்ற அறிவிப்பை வெளியிட்டார். இதன் மூலம் தமிழகத்தில் புதிய தாலுக்கா ஒன்று உதயமாகவிருப்பது குறிப்பிடத்தக்கது.
கருணாநிதி அறிவித்த திட்டம் என்பதால் எவ்வித மறுப்பும் பேசாமல் சட்டமன்றக் கூட்டத் தொடர் முடிந்த பிறகு முத்துப்பேட்டையை தனி தாலுக்காவாக செயல்படுத்துவோம் என பதிலளித்தார் அமைச்சர் கே.கே.எஸ்.எஸ்.ஆர். ராமச்சந்திரன்.
முத்துப்பேட்டைக்கு அருகாமையில் இருக்கும் தஞ்சை மாவட்ட எல்லைக்கு உட்பட்ட நமது அதிராம்பட்டினம் மக்களின் நீண்ட நாள் கோரிக்கையாக தாலுக்கா இருந்து வருகிறது. ஆனால், மக்கள் எதிர்பார்க்காத வகையில் நகராட்சியாக அறிவித்துவிட்டு இன்னும் தாலுக்காவாக அறிவிக்காமல் இருக்கிறது தமிழ்நாடு அரசு.
