இது தொடர்பாக அடிக்கடி புகார்கள் வந்தவண்ணம் உள்ளது. ஆனாலும் இதையெல்லாம் கால்நடை வளர்ப்பவர்கள் கண்டுகொள்ளாமல் தங்கள் மாடுகளை தெருவில் சுற்றி திரிய விட்டு விடுகிறார்கள். இந்த நிலையில் அதிரை ஈ.சி.ஆர். சாலை, மெயின் ரோடு, பட்டுக்கோட்டை சாலை, வண்டிப்பேட்டை, சேர்மன் வாடி, சி.எம்.பி. லேன் சாலை போன்ற இடங்களில் மாடுகள் சாலையை மறித்து சூழ்ந்து நிற்கின்றன.
இந்த நிலையில், இன்று மாலை அதிரை ஈ.சி.ஆர். சாலையில் கல்லூரி அருகே குறுக்கே புகுந்த மாடு மீது பைக் மோதி, அதை ஓட்டி வந்த முதியவர் கீழே விழுந்தார். அவரை அங்கிருந்த மக்கள் மீட்டனர். இதனால் அப்பகுதியில் பெரும் பரபரப்பு ஏற்பட்டது. அதிரை நகராட்சி துரித நடவடிக்கை எடுத்து மாடுகளை கட்டுப்படுத்த வேண்டும் என மக்கள் கேட்டுக்கொண்டுள்ளனர்.
