சொன்னதை போன்றே காலை மின் இணைப்பு துண்டிக்கப்பட்டது. ஆனால், அறிவிப்பில் இருந்ததைபோல் 5 மணிக்கு மின் இணைப்பு கிடைக்கவில்லை. கிட்டத்தட்ட 3 மணி நேரத்திற்கும் மேலாக மின்சாரம் இல்லை. ஒவ்வொரு மாதமும் இதே நிலை தொடர்வதாக மக்கள் வேதனை தெரிவித்தனர்.
சொன்ன நேரத்தில் மின் இணைப்பை துண்டிக்கும் மின் வாரியம் சொன்ன நேரத்தில் மின் இணைப்பை வழங்குவதில் என்ன பிரச்சனை? என்ற கேள்வியை முன்வைத்து அதிரை பிறை ஆசிரியர் நூருல் தன்னுடைய ட்விட்டர் பக்கத்தில் தமிழ்நாடு மின்சார வாரியத்தில் புகாரளித்தார். இதுதொடர்பாக நடவடிக்கை எடுக்கப்படும் என உடனே மின்வாரியம் விளக்கம் அளித்தது.
இந்த நிலையில் நமது புகார் தொடர்பாக அதிரை மின்வாரிய உதவி மின் பொறியாளர் எழுத்துப்பூர்வ விளக்கத்தை அளித்து இருக்கிறார். தமிழ்நாடு மின்வாரியத்தின் அதிகாரப்பூர்வ ட்விட்டர் பக்கமே நமக்கு இந்த கடிதத்தையும் அனுப்பியுள்ளது. அந்த கடிதம் கீழே இணைக்கப்பட்டு உள்ளது.
