இதற்காக சவூதி அரேபிய அரசாங்கத்துக்கும் உம்ராவுக்கும் அழைத்து சென்ற நிறுவனத்துக்கும் அவர் நன்றி தெரிவித்து உள்ளார். கிஸ்வா துணி ஆண்டுதோறும் ஹஜ் புனித யாத்திரை காலத்தில் மாற்றப்படுகிறது. 658 சதுர மீட்டர் பரப்பளவு கொண்ட கஃபாவை திரையிடும் இந்த கிஸ்வா துணியை 137 தொழிலாளர்கள் 8 மாதங்களாக நெய்து தயாரித்து வருகின்றனர்.
முஹம்மது நபி காலத்தில் வெள்ளை, சிவப்பு நிற கோடு போட்ட ஏமன் நாட்டு துணியை கொண்டு கஃபா மூடப்பட்டது. அபூபக்கர் (ரலி), உமர் (ரலி), உஸ்மான்(ரலி) ஆட்சிகாலத்தில் வெள்ளை நிறத்திலான கிஸ்வா பயன்படுத்தப்பட்டது. இப்னு அல்-ஜுபைர் ஆட்சியில் அது சிவப்பாகவும், அப்பாசியாக்கள் ஆட்சியில் சிவப்பு மற்றும் வெள்ளை நிறத்திலும், செல்ஜுக் சுல்தான் ஆட்சியில் மஞ்சள், கலிபா அல் நசீர் ஆட்சியில் பச்சை என பல வண்ணங்களில் கிஸ்வா இருந்துள்ளது.
இந்த கருப்பு நிற கிஸ்வாவை பொறுத்தவரை 1962 ஆம் ஆண்டு வரை எகிப்திலிருந்து தயாரித்து கொண்டு வரப்பட்டு இருக்கிறது. அந்த நிறுவனம் இன்னும் எகிப்தில் செயல்பட்டு வருகிறது. பின்னர் அது மக்காவில் உள்ள அவும் அல் ஜூத் மாவட்டத்தில் உள்ள தொழிற்சாலையில் தயாரிப்பதற்காக மட்டும் ₹45.8 கோடி செலவிடப்படுகிறது.
(கிஸ்வா தயாரிப்பு முறை குறித்து வாய்ப்பு இருந்தால் அடுத்த பதிவில் காணலாம்)
- நூருல் இப்னு ஜஹபர் அலி
